2009, ഡിസംബർ 21, തിങ്കളാഴ്‌ച

ഇത്‌ അശ്ലീലമാണ്.

ക്ഷമിക്കണം.
പെരുപ്പിച്ച്‌,പെരുപ്പിച്ച്‌ അശ്ലീലമാക്കിയ
തടിയന്റവിട നസീർ,
ലൗ ജിഹാദ്‌,
മദനി,
സൂഫിയ..
എന്നിവ വീണ്ടും ഉപയോഗിക്കേണ്ടിവന്നതിൽ.....
ഭൂരിപക്ഷ-ന്യൂനപക്ഷ വർഗ്ഗീയതകൾക്ക്‌ ശക്തിപ്പെടാനുള്ള
വളക്കൂറുള്ള മണ്ണാക്കി നമ്മുടെ രാജ്യത്തെ
അതിവേഗം മാറ്റിതീർക്കുന്നതിന്ന് പരസ്പരം മത്സരിച്ചു കൊണ്ടിരിക്കുന്നു.
കടുത്ത ഹിന്ദുത്വ വാദത്തിൽ നിന്ന് അകന്ന് നിൽക്കുന്നു
എന്ന് സ്വയം അവകാശപ്പെടുന്ന കോൺഗ്രസ്സ്‌ നേതൃത്വത്തിലുള്ള
കേന്ദ്രസർക്കാറും നേതാക്കന്മാരും
മൃദു ഹിന്ദുത്വ ഭ്രാന്തൻ ദേശാഭിമാനം വളർത്തിയെടുക്കാൻ
കിട്ടുന്ന മുഴുവൻ സമയവും പരാമാവധി ഉപയോഗപ്പെടുത്തുന്നു.
ദൃശ്യ-ശ്രവ്യ-പ്രിന്റ്‌ മാദ്ധ്യമങ്ങളെല്ലാം തന്നെ
ഇടവേളകൾ പോലുമില്ലാതെ ,
നാം ഒന്നടങ്കം വർഷങ്ങളായി ചെറുത്ത്‌ തോൽപ്പിക്കാൻ ശ്രമിച്ച്‌
തോൽപ്പിച്ച വർഗ്ഗീയ,ജാതീയ വിഷത്തെ
ഓരോ ഡോസിലും വർദ്ധിപ്പിച്ച്‌ വർദ്ധിപ്പിച്ച്‌
കുത്തിക്കയറ്റുന്നത്‌ എന്തിനാണ്.
മതേതരമായ എല്ലാറ്റിനേയും ക്രൂരമായ ശാഠ്യത്തോടെ
വേരോടെ എന്തിന്ന് പിഴുതെറിയെണം.
ഇതിനോക്കെ യക്തമായ കാര്യ-കാരണ- താൽപര്യങ്ങളുണ്ട്‌
"തീവ്രവാദം എന്ന് മുതലാണ് ഇന്ത്യയിൽ ആരംഭിച്ചത്‌"
എന്ന് ഗവേഷണം നടത്തുന്ന നമ്മുടെ പ്രിയ ബുദ്ധിജീവികൾക്ക്‌ എന്തിനാണിതെന്ന് കൃത്യമായും അറിയാം.
നമ്മുടെ രാജ്യത്ത്‌ രാഷ്ട്രീയ പ്രവർത്തനം നടത്തുന്ന
എല്ലാരാഷ്ട്രീയ പാർട്ടികൾക്കും
ആരാധ്യരായ നേതാക്കന്മാർക്കും വളരെ വ്യക്തമായും അറിയാം.
പൂജനീയരായ കൺകണ്ട ദൈവങ്ങളായ
മത നേതാക്കന്മാർക്ക്‌ എല്ലാരേക്കാൾ കൂടുതൽ അറിയാം.
ഇപ്പോൾ
സാധാരണക്കാരായ എന്നെപ്പോലുള്ളവർക്കും
കാര്യങ്ങൾ ഏറെക്കുറെ തിരിച്ചറിയുന്നു എന്ന്
ഇവരെയൊക്കെ ബോദ്ധ്യപ്പെടുത്താനാണ്
ഈ ചെറു കുറിപ്പ്‌.
നോക്കൂ..
ആഗോളാടിസ്ഥാനത്തിൽ ഗുരുതരമായ പ്രതിസന്ധിയിലാണ്
അമേരിക്ക ഉൾപ്പെടേയുള്ള മൂലധന-വിപണന ശക്തികൾ എന്ന്
മേൽ വിവരിച്ചവർക്ക്‌ അറിയും.
ഇതിനെ മറികടക്കാന്നതിന്ന് നവ ഉദാരവൽകരണങ്ങളിലൂടെ
ഇന്ത്യ ഉൾപ്പെടേയുള്ള മൂന്നാം ലോക രാജ്യങ്ങളിൽ
തുരന്ന് കയറ്റം ശക്തിപ്പെടുത്തി
അദ്ധ്വാനവും സമ്പത്തും കുത്തി ചോർത്തിയെടുത്താണ്.
വിദേശ ശക്തികൾ പരിഹാരം കാണുക എന്നറിയാത്തവർ
ആരെങ്കിലും മേൽ സൂചിപ്പിച്ചവരിൽ ഉണ്ടോ.
ഇത്തരം മനുഷ്യത്വരഹിതമായ ഇടപെടലുകൾ
ഇന്ത്യയടക്കമുള്ള രാജ്യങ്ങളിൽ വൻ രീതിയിലുള്ള
പാപ്പരീകരണം നടത്തൂമെന്നും നടന്നിരിക്കയാണെന്നും
അറിയാത്തവരാണോ മേൽ സൂചിപ്പിച്ച പുംഗവന്മാർ.
ആഗോളവൽക്കരണത്തിന്റെ ഭീകരതകണ്ട്‌ ഞെട്ടിയ
ലോകബാങ്ക്‌ അദ്ധ്യക്ഷൻ പോലും മേൽ സൂചിപ്പിച്ച
നമ്മുടെ മഹാന്മാരെ വിളിച്ചു പറഞ്ഞില്ലേ
"ഇതിനൊരൽപം മാനവിക മുഖം"നൽകണമെന്ന് .
ഇതടക്കം സൃഷ്ടിക്കുന്ന തീരാദുരിധങ്ങൾക്കെതിരെ
ജനങ്ങൾ പ്രതിഷേധങ്ങളും കലാപങ്ങളും ശൃഷ്ടിക്കുമെന്നും അറിഞ്ഞുകൂടാത്തവരാണോ
"രാജ്യസ്നേഹികളായ" നമ്മുടെ നേതാക്കൾ.
ഇതിനെയൊക്കെ നേരിടാനും തടയാനും
സമൂർത്ത സാഹചര്യങ്ങളിൽ
മത,ജാതി,വംശീയാദി വിഷയങ്ങൾ
കൗശലപൂർവ്വം ഉപയോഗിച്ച്‌ ജനവികാരത്തെ വഴിതിരിച്ചുവിടാനുള്ള
കഴിവുള്ളവർ തന്നെയാണ് നമ്മളെ നയിക്കുന്ന നേതാക്കന്മാർ, ബുദ്ധിജീവികൾ,മതനേതാക്കൾ മാധ്യമ രാജക്കന്മാർ....
ഓരോ വിനാഴികയിലും
നാം എന്തു ചെയ്യണം
എന്തു പറയണം
എന്തു ഉപയോഗിക്കണം
എന്ന് സൂഷ്മമായി ശ്രദ്ധിച്ച്‌ ഇടപെടുന്ന
ഈ മഹാന്മാർക്കെ ല്ലാതെ
മറ്റാർക്കാണ് നാം
ജയ്‌വിളിക്കുക...

2 അഭിപ്രായങ്ങൾ:

സ്വതന്ത്രന്‍ പറഞ്ഞു...

സുഹൃത്തെ ഇത് ഇന്ത്യയാണ് ......
ഇവിടെ ഇതൊക്കയെ നടക്കൂ........
രാഷ്തൃയത്തില്‍ മതവും ,ജാതിയും ഒക്കെ
ഇടപ്പെട്ട് മലിനമായ ഒരു സംസ്കാരമാണ് ഇവിടെ
ജയ് ഹിന്ദ്‌

jmj godville പറഞ്ഞു...

കടത്തനാടൻ അമ്പാടി...